INFANTIL OSPO

A Orquestra Infantil de Pontevedra, créase co obxectivo de formar e ilusionar a pequenos músicos de Galicia (entre 6 e 13 anos de idade) e conseguir que se desenvolvan persoal e profesionalmente, formando parte dunha agrupación musical e cultural dende nenos ata adultos.

Comeza a súa andaina no mes de setembro de 2017, realizando o seu primeiro concerto de presentación no mes de decembro do mesmo ano, baixo a batuta de Marta Souto Caride, con nenos e nenas que amosaron unha grande profesionalidade e no que puidemos augurar un magnífico futuro profesional e musical.

Coa pretensión de facer todo tipo de músicas, actuaron nos principais auditorios, museos e centros residenciais de Pontevedra, Concellos de Valga e Cambados; colaborando con institucións artísticas como o Coro Pontevedrés Luis García Limeses, Coral Polifónica de Pontevedra, Coro IES A Xunqueira e coas Asociacións Manos Unidas e AECC.

Dende a Orquestras Infantil ambicionamos fomentar os valores musicais de igualdade, entrega, traballo, ilusión e pertenza a un grupo, para lograr formar un equipo sólido e en continuo crecemento.

CALENDARIO

Mayda Toledo Aribú

Mayda Toledo Aribú| Directora da OSP Infantil

A Habana, Cuba.

Comeza os estudos musicais aos sete anos no Conservatorio Elemental de Música "Guillermo Tomás" da Habana finalizando no Conservatorio Profesional de Música "Amadeo Roldán" da Habana, con Diploma de honra, baixo a dirección do Catedrático Armando Toledo.
Participa en concursos nacionais e internacionais en Cuba e República Checa obtendo numerosos recoñecementos e premios.

No ano 1993 trasládase a España e remata aquí os estudos de violín e música de cámara nos Conservatorios Superiores de Vigo e Santiago de Compostela; obtendo ademáis no ano 1998 o grao profesional da Associated Board of the Royal School of Music de Londres.

Participou en cursos de Técnica e interpretación violinística, música de cámara e dirección de orquestra cos Mestres Igor Frolov, Karl Heimz Bloemeke, Constantin Alex, entre outros.

Dende os 16 anos imparte clases de violín por diferentes conservatorios de Galicia e no ano 1997 oposita para profesora de violín na Escola Municipal de Música Marín “Mestre Landín Pazos”, contribuindo activamente coa súa labor pedagóxica.

Imparte numerosos cursos de violín e Orquestra. Como intérprete solista tocou en diversos teatros nacionais e internacionais e forma parte activa como concertino e axudante de dirección en diferentes agrupacións como a Orquestra Sinfónica da Coral Casabranca, Camerata Viguesa, Orquestra Sinfónica de Pontevedra, Concertino da Orquestra sinfónica do "Encontro Internacional de Música da Cidade del Paso", Isla da Palma e Orquestra Mundial de Mocidades Musicais Internacional.